U finalu na Malti za povratak u A diviziju
Crnogorski vaterpolisti ispunili su cilj na kvalifikacionom turniru na Malti – plasmanom u finale ovjerili su plasman na završnicu Svjetskog kupa u Sidneju.
“Ajkule” su u ključnom meču, u polufinalu, nadigrale reprezentaciju Francuske 15:11.
Naša selekcija je autoritativno otvorila duel, pošto je pri rezultatu 2:2 napravila seriju 5:0 i već do poluvremena stekla kapitalnu prednost.
Ostatak meča bio je stvar rutine za izabranike Dejana Savića, pa pobjeda ni u jednom trenutku nije bila upitna.
Blistao je Nikola Moskov sa šest pogodaka. Na drugoj strani jedan gol više dao je Toma Vernu.
Crna Gora je, dakle prebrinula brige oko plasmana na završni turnir Svjetskog kupa, ali ostaje joj još jedan meč na Malti, onaj finalni.
Rival će biti poznat kasnije večeras nakon što snage odmjere Gruzija i Njemačka.
