29 C
Kotor

Slušaj online radio

Mirta New Balkan Cuisine stiže u Boku: Ljeto novih ukusa na rooftop-u hotela Casa del Mare Mediterraneo

Mirta New Balkan Cuisine stiže u Boku: Ljeto novih ukusa na rooftop-u hotela Casa del Mare Mediterraneo
Casa del Mare ugostila Michelin star chef-a

Gastro doživljaj pod otvorenim nebom: Casa del Mare i Vanja Puškar otkrivaju kako balkanska kuhinja može biti moderna i puna iznenađenja.

Kada pomislimo na ljeto u Boki, obično nam je pred očima slika mora, sunca i sporih popodneva u hladu. Ali ove sezone, crnogorska hotelska grupacija Casa del Mare toj slici dodaje još jednu, posebnu notu – novu dimenziju gastronomskog doživljaja kroz mirise, ukuse i večeri koje se pamte.

Na rooftop-u hotela Casa del Mare Mediterraneo u Kamenarima, od 9. jula do sredine septembra, svakog dana osim ponedjeljkom, sa početkom u 19 časova, počinje novo kulinarsko poglavlje: reinterpretacija balkanske kuhinje kroz prizmu koncepta New Balkan Cuisine chefa Vanje Puškara – jednog od najistaknutijih kulinarskih glasova nove generacije na Balkanu.

Ko je Vanja Puškar?

Vanja Puškar je renomirani chef i osnivač koncepta New Balkan Cuisine, jedan od onih koji su tiho, ali uporno mijenjali tok lokalne gastronomije. Danas vodi tri restorana u Beogradu i godinama gradi svoj izraz kroz kuhinju koja se oslanja na sezonalnost i rad sa malim, provjerenim proizvođačima.

Njegov pristup je jasan i promišljen, bez potrebe da impresionira formom, već ukusom i integritetom. Sarađuje sa vinarima, dizajnerima i umjetnicima, ali ostaje dosljedan ideji da dobar restoran počinje sa poštovanjem prema sastojku i onome ko ga stvara.

Karijeru je gradio u Beogradu, gdje je pokrenuo Iris – restoran koji je bio kao kreativni atelje njegovog kulinarskog pravca. Poznat je po smjelim tehnikama pripreme, radu sa lokalnim proizvođačima i jasnoj viziji: očuvati nasljeđe regiona, ali ga ispričati jezikom današnjeg vremena.

Mirta New Balkan Cuisine

Šta vas očekuje?

Na rooftop-u hotela Casa del Mare Mediterraneo u Kamenarima, veče počinje uz zalazak sunca, a nastavlja se uz niz malih tanjira koji reinterpretiraju poznate balkanske recepte na nov i uzbudljiv način. Svako jelo priprema se od pažljivo odabranih lokalnih sastojaka, spajajući tradicionalne metode kuvanja sa modernim kulinarskim pristupom.

Ponuda obuhvata kako klasične, tako i signature koktele pripremljene od sezonskih sastojaka, dok vinska karta nudi pažljivo odabran, sveden izbor autentičnih sorti i proizvođača posvećenih radu u skladu s prirodom.

Večeri su zamišljene kao spontana okupljanja oko dobre hrane i još boljeg društva. Nema protokola, samo dugi stolovi, tanjiri za dijeljenje i atmosfera koja podsjeća na ljeto u nekom gradu koji biste voljeli da nazovete svojim. Sve je opušteno, ali s ukusom.

Za muziku su zaduženi White City Soul, pa je ritam lagan i idealan za dugo večernje sjedenje pod otvorenim nebom.

Za više informacija o konceptu New Balkan Cuisine i rezervacijama, pozovite na +382 67 992 308 ili zapratite Instagram stranicu: @mirtanewbalkancuisine.

Najčitanije