Petnaest do dvadeset centimetara snijega iznenada je prethodne noći zabijelilo Orjen iznad 1300 metara nadmorske visine. Jeste da su prognoze pominjale mogućnost za snijeg, ali ovo je bila prava zimska sniježna oluja praćena veoma jakom burom.
Osim ljudi, snijeg je zatekao i prirodu: bukova šuma se nakon ljetnje suše taman ponovo zazelenila, pa su snijeg i vjetar savijali grane do pucanja, a dosta stabala je i iščupano iz korijenja.
Zbog toga je jutros bilo veoma teško doći terencem do Orjenskog sedla. Stado krupne stoke još uvijek je na Orjenskom sedlu, na ljetnjoj ispaši koja to očito više nije. Sa ovog mjesta vidi se da je snijeg pokrio i ostale planine kroz Crnu Goru, stvorivši pravi zimski ambijent početkom oktobra.
Više fotografija na našoj FB strani.
