Donosimo pismo zahvale naše sugrađanke koje je uputila osoblju Covid odjeljenja Opšte bolnice Kotor, nakon liječenja u ovoj ustanovi:
“Veliko Vam hvala za sve, vi ćete mene sigurno zaboraviti jer vaša borba za spašavanje drugih života traje i trajati će, ali ja Vas nikad neću”
Maja Zambata u pismu poručuje:
Jedno Veliko hvala za predanost, stručnost i predivan osmjeh dr Kenežević koji sam jedino ja vidjela ispod maske. Za heroine, sestre koje su pored napornog rada, vuče ogromnih boca kiseonika i rada oko svih bolesnika, uvijek spremne da te utješe i ohrabre, naročito za ekipu koja me iz sobe 2 prebacila na mirnije mjesto, koje možda neću prepoznati bez onih maski.
Za radnice koje su nam i po vjetru i po snijegu vukle kese sa kapije. Slatkiši su da budu slađi :), dr Zekić koji bi sa vrata da jedan pozitivan (like) i sve će bit dobro, za jedinog medicinskog brata Mirka kojeg sam uvijek zvala Niko i nikad se nije naljutio. Za anesteziologa koji me je ohrabrio i razumio u mojim teškim trenucima. I na kraju za dr Kumburovića, čovjeka koji me je svojim stavom, oštrim ali iskrenim riječima vratio u život.
Velika Vam Hvala za sve, vi ćete mene sigurno zaboraviti jer Vaša borba za spašavanje drugih života traje i trajati će, ali ja Vas nikad neću.
Još jednom HVALA ZA SVE !
Maja Zambata
