Samostalna izložba slika umjetnika Ivice Aranđusa pod nazivom „IN YOUR FACE“ biće otvorena u Zbirci pomorskog nasljeđa u subotu, 30.jula u 20:30.
Ivica Aranđus je slikar sa dugom i zavidnom karijerom u inostranstvu koji se tivatskoj publici i gostima Tivta predstavlja nakon 7 godina, svojom novom samostalnom izložbom.
Izložba „IN YOUR FACE“ probudiće čula i uzburkati emocije na način kako je to publika od Ivice i navikla. Oštra i sugestivna kritika društvenih anomalija i angažovanost umjetnikovih poruka, majstorski izraženih kroz platna umjetnika, sigurno spadaju u kulturne događaje ovog ljeta koje ne bi trebalo propustiti.
Izložbu će otvoriti publicista Dragan Mihović.
