Služba Gradskog zelenila Komunalnog preduzeća Tivat danas je novim sadnicama popunila i uredila dvije veće zelene površine uz Jadransku magistralu na šetalištu na potezu prema Opatovu.
Na novom prostoru su, prema riječima rukovoditeljke Gradskog zelenila, diplomirane inženjerke hortikulture Tanje Krstović, posađene nove sadnice juke i agava.
“U tom dijelu na Opatovu ima zasađenih palmi, koje smo zasadili prije 15 godina i na sreću, one nisu u međuvremenu stradale od surlaša. Sada između palmi njih popunjavamo prostor, tik uz šetališnu stazu. To su dvije dugačke površine na Opatovu, gdje ćemo zasaditi 22 juke gloriose i 20 agava.”- istakla je Krstović.
Na ovaj način će nesavjensi vozači biti onemogućen da dio ove zelene površine između palmi, koriste za parkiranje vozila, a što je do sada bio slučaj.
Krstović je dodala da će nove sadnice juke iagava uskoro biti posađene i na zelenim povšinama uz šetališnu stazu u blizini crkve Svetog Roka u Donjoj Lastvi.
