Bura početkom sedmice prilično je ohladila more koje se njenim smirivanjem ovih dana počelo vraćati u temperaturnu normalu – prosječna temperatura oko 22 stepena. Petak je bio prvi dan u sedmici u kojemu je potpuno izostala bura.
Zbog prestanaka bure noćno ohlađivanje tla bilo je nešto izraženije nego prethodnih dana, kada su noći bile tople.
U dane vikenda na vrijeme će dominantno uticati polje visokog pritiska vazduha sa središtem iznad istočno Evrope. Zbog nje, stabilno ljetno vrijeme pratit će nas do kraja avgusta ali i u prvoj sedmici septembra.
U subotu i nedjelju na cijelom će Jadranu prevladavati vedro. U noćnim i jutarnjim satima na moru je ponegdje moguća sumaglica. Noću tiho ili slab burin, danju će puhati većinom slab maestral. Minimalne jutarnje temperature vazduha do 18°C, Najviše dnevne temperature većinom od 28 do 34°C.
Sunčano i vruće bit će na Jadranu i u posljednja tri dana avgusta, odnosno prva tri dana sledeće sedmice
Detaljniju vremensku prognozu za početka septembra čitajte u ponedjeljak na našem portalu.
