Tivtom su sinoć prodefilovali maturanti Srednje mješovite škole „Mladost” i Srednje Muzičke škole Tivat.
Defile mladosti i ljepote pozdravili su brojni Tivćani i turisti koji su se zatekli u gradu.
Proslava maturske večeri nastavljena je u hotelu „Franca“ uz nastup Milana Rilia.
“Tokom četvorogodišnjeg školovanja bilo je lijepih i radosnih trenutaka, ljutnje, opraštanja i raznih izazova, koji su vas oblikovali i otvorili vam nove vidike u sazrijevanju. Stremite vašim snovima, bojite život najljepšim bojama, radite na sebi, nalazite snagu u duhovnosti, moralu, budite kovači svoje sreće, vječito tragajte za naprednijim, uzvišenijim, plemenitijim. Znanje je najvće blago, ono se stiče istrajnim radom i ljubavlju ka odabranoj profesiji, te stoga, neka vam staza znanja uvijek bude puna pitanja i odgovora, sami ih donosite uvijek uz misao da je najveća vrlina biti čovjek dostojan svog postojanja i bivstvovanja“, poželjela je matirantima direktorica Srednje škole “Mladost” Jovanka Vujačić.
Više fotografija na našoj facebook strani.
