U nagradnoj igri “Ulov mjeseca” Prvo mjesto i vaučer u iznosu od 50 eura koga može potrošiti u Uninim prodavnicama SIPA ili Marine Centru osvojio je Đorđe Radonjić sa ulovljenom tunom od 59 kg.
Kako ističe, ulov je ostvaren sa obale spinning tehnikom na površinsku varalicu poper. Borba je trajala oko jedan sat, a riba je ulovljena na lokaciji Luštica.
Od opreme je koristio štap Zenaq Muthos Accura 100 h, mašinicu Shimano Stella 8000, struna Daiwa pe 4 ( 0.30mm) i Fc Seaguar FXR 062mm.
Drugo mjesto i vaučer u iznosu od 30 eura koga može potrošiti u Uninim prodavnicama SIPA ili Marine Centru osvojio je Dejan Klimenko sa tunom od 43 kg.
Dejan je ulovio tunu u mjestu Veliki pijesak, na dubini od 50 metara. Borba je trajala oko 35 minuta, a kao mamac za ovaj ulov korištena je skuša.
Treće mjesto i vaučer u iznosu od 20 eura za potrošnju u SIPA prodavnicama ili Marine Centru osvojio je Dalibor Božinović sa zubaticom od 4.9kg.
Zubatica (ili kako je pojedini zovu ‘hama’) je uhvaćena u jutarnjim časovima u mjestu Verige sa obale na štapu, a Dalibor je pri ovom ulovu koristio varalicu gavuna sedmicu i tvrdi da je sa ovakvim primjerkom izvlačenje bilo veoma uzbudljivo, te da je borba trajala 5-6 minuta.
