16.3 C
Kotor

Slušaj online radio

“Celebrity Beyond“ i kapetanica Kate Mc Cue redovni posjetioci Boke Kotorske tokom 2023.

Celebrity Beyond-ship

Dogodine u Kotor dolazi najnoviji megakruzer američke kompanije kojim upravlja medijski najeksponiranija kapetanica na svijetu


Najnoviji megakruzer „Celebrity Beyond“ američkog brodara „Celebrity Cruises“ dogodine će biti redovni posjetilac Boke Kotorske jer će ovaj golemi brod od 141.420 bruto tona ljetnju kruzing sezonu 2023. odraditi na Mediteranu.

„Celebrity Beyond“ će tokom sezone 2023. imati ukupno devet dolazaka u Kotor u periodu od 7.maja do 20.oktobra, tokom svojih krstrenja Mediteranom između Italije, Hrvatske i Crne Gore, a koja traju od 8 do 10 dana.

Riječ je inače, o najnovijem brodu kompanije „Celebrity Cruises“ koji je u upotrebu ušao u aprilu ove godine. Ovaj 326,5 metara dugi, 39,5 metara širok i čak 57,9 metara visok brod sa gazom od 8,5 metara, zbog svojih velikih dimenzija neće pristajati na operatiivnu obalu Luke Kotor na Luži, već će se tokom uplovljavanja u Boku, sidriti ispred Kotora odakle će njegove putnike do obale o nazad, prevoziti brodski tenderi.

kapetanica Kate McCue i njen brod CELEBRITY BEYOND

„Celebrity Beyond“ je treći po redu u „Edge“ klasi ultarmodernih megakruzera koje za ovu američku kompaniju- članicu čuvene korporacije „Royal Caribbean Cruise Line“, gradi francusko brodogradilište STX u Sent Nazeru. Ovaj brod maksimalnog je kapaciteta 3.937 putnika, a ima 1.416 članova posade. Pokreće ga dizel-električni pogon koji čini pet dizel generatora ukupne snage 75.000 konja i dva električna azipoda, a može postići maksimalnu brzinu od, za ovako veliki brod, vrlo visokih 22,6 čvorova.

Uz niz restorana, kafea, igraonica, prodavnica, salona za uljepšavanje, bazena i trgovina, brod ima i veliki SPA centar, multifunkcionalnu veliku dvoranu, fitnes centar i niz drugih sadržaja za zabavu, a posebnost ovog 770 miliona eura vrijednog broda je veliki tzv, Observation Longe salon koji se proteže kroz visinu od čak tri palube i pruža neometan pogled na more u luku od čak 270 stepeni. Specifičnost „Clebrity Beyonda“ i ostalih kruzera iz kase „Edge“ je i specijalna platforma nazvana Magic Carpet (Leteći Ćilim) koja je postavljena na desnom boku broda i koja se elektro-hidraulički može podzati od nivoa mora do skoro najviše palube. Osnovna uloga Magic Carpeta je da služi kao platforma za pristajanje tendera kojima se ukrcavaju i iskrcavaju pitbnici sa broda dok on boravi na sidrištu pred lukom. Magic Carpet težine 90 tona koja štrči van linije boka broda, veličine je teniskog igrališta i na sebi ima poseban kafić i bar, pa kada ne služi kao platforma za pristajanje tendera, ovaj jedinstveni sadržaj kruzera klase „Edge“ se podiže na nivoe paluba broj 5, 14 i 16 gdje služi kao neoubičajeni otvoreni restoran, noćni bar ili platfiorma za posmatranje.

Captain-Kate McCue

Posebnost najnovijeg ultraluskuznog kruzera kompanije „Celebrity Cruises“ koji će dogodine redovno dolaziti u Kotor je i njegov zapovjednik, tačnije zapovjednica  jer „Celebrity Beyond“ vodi moža i najčuvenija i medijski najeksponiranija dama koja komanduje kruzerima na svijetu – kapetanica duge plovidbe Kejt Mek Kju. Ova 44-godišnja Amerikanka rodom iz San Franciska je ne samo veoma sposoban pomorac već je zahvaljujući svom atraktivnom izgledu i talentu za medijske nastupe, postala i izuzetnon važan promoter ravnopravnosti među polovima kada je upravljanje najvećim i najmodernijim kruzerima na svijetu u pitanju. Ona je prije rada za „Celebrity Cruises“ gdje joj je septembra 2015. na zapovjedništvo povjeren njen prvi megakruzer „Celebrity Summit“, plovila kao oficir i zamjenik komandanta na kruzerima kompanija Disney Cruises i Royal Caribbean.

Celebrity-cruise-line-captain-kate-mccue-and-cat-bug-naked

Kapetanica Kejt Mek Kju je u međuvremenu postala i svojevsrna svjestskii slavna ličnost jer je na njenim kanalima društvenim mrežama gdje ona javnosti redovno predstavlja detalje iz života i rada kapetana megakruzera, prati preko 3,5 miliona ljudi. Ova neuobičajena dama javnosti je intrigantna i zbog svog jednako neuobičajenog kućnog ljubimca – bezdlake mačke rase Spynx, imenom Bug naked, a koju ona redovno vodi sa sobom na brod. Mačak tokom plovidbe nerijetko i sam nosi mornarsku uniformu jer je smatran članom posade, ima nezvaničnu titulu “Maneuvering Support Mammal” (Manevarski asistent – sisar) i prava je atrakcija kako za posadu, tako i putnike broda kojima komanduje kapetanica Kate Mek Kju.

Izvor:S.L.
Baner Luštica bay 330x250

Najčitanije