Svečani koncert klape“Jadran” povodom 45 godina postojanja održan je u subotu u Velikoj sali Centra za kulturu Tivat. Brojni poštovaoci i prijatelji tivatske klape na početku koncerta dugotrajnim aplauzom odali su počast i priznanje njihovom preminulom dugogodišnjem članu Zdenku Radoševiću.
Klapu „Jadran“ osnovao je 1972. godine Ivo Buljanović. Prvi sastav klape činili su još Nikica Počanić, Odžić Đuro, Đurko Tripović, Vinko Sanader. Klapa je u početku nastupala po kasarnama Boke, kasnije na svim manifestacijama i paradama za praznike.
Klapa „Jadran“ se kasnije transformiše ka modernijem pjevanju a za voditelja dolazi prof. Ilija Milošević iz Kotora koji uvodi pjevanje po notama i modernije aranžmane.
Zbog rata klapa nije nastupala od 1991. do 1997. godine.
„Jadran“ je svojim nastupima oduševljavao publiku kako u Crnoj Gori tako i u inostranstvu, a tako je bilo i sinoć.
Sadašnji sastav klape čine amateri zaljubljeni u klapsku pjesmu.
Gosti večeri je bila ženska klapa „Bellezza“.
